မရဲ့ အကြောင်း

State ကျောင်းသူ ဘ၀က မ ကျောင်းတက် ကျောင်းဆင်းချိန်တိုင်း သဲသဲမဲမဲ လိုက်စကား ပြောတတ်သော၊
စာသင်ချိန် အားလျှင် မ အခန်းရှေ့ ကော်ရစ်တာမှာ စွဲစွဲမြဲမြဲ လာရပ်ကြည့်လေ့ ရှိသော ကောင်လေးသည် မ၏ ပထမ ဆုံးသော ရင်ခုန်သံကို မွေးဖွား ပေးခဲ့သူ ဖြစ်သည်။ ထိုစဉ်က ပထမဆုံး အတွေ့ အကြုံမို့ စိတ်လှုပ်ရှားကာ သူ့ထံမှ ရေမွှေးနံ့ သင်းသင်း ရလျှင်ပင် ခေါင်းငုံ့ ဒူးတုန် နေမိပြီ ဖြစ်သော မ အတွက်တော့ ထိုခံစားချက် အတွေ့အကြုံသည် ချစ်ခြင်း၏ တမန်တော် ရင်ခုန်သံဟု ယိုးမှား လောက်ဖွယ်ပင်။ ဆယ်တန်း ကျောင်းသူအရွယ် မိန်းကလေး တစ်ယောက် အနေနှင့် ရင်ခုန်သံကို ခံစားကောင်း ခံစားဖူး နိုင်ပေသော်လည်း မ အတွေ့အကြုံအရ ဆိုလျှင် ထိုရင်ခုန် သံသည် ကာယကံရှင် မိန်းကလေး၏ အတွေးအခေါ် ရင့်ကျက်မှု အပေါ် မူတည်ပြီးလည်း ခံစားချက် အမျိုးမျိုး ပြောင်းလဲသွား နိုင်ပါသည်။ မ သည် သက်တူ ရွယ်တူတွေထက် ပိုမိုအတွေး ခေါင်တတ်သူ မို့ပဲလားတော့ မသိချေ။

“သူတို့ အမျိုးက လူပျင်းမျိုးတဲ့။ အဘိုး၊ အဖေ၊ ဦးလေး၊ အစ်ကိုက အစ မိန်းမလုပ်စာ ထိုင်စားကြတဲ့ အမျိုး” ဟူသည့် သူငယ်ချင်းမ တစ်ယောက်၏ အမှုမဲ့ အမှတ်မဲ့ ဝေဖန်စကား တစ်ခွန်းက မ ရင်ထဲအထိ စူးနစ်ဝင် သွားခဲ့သည်။

ယခုချိန်၌ ပြန်တွေးလျှင် မ အတွေးက မိုးပြိုမှာ ကြောက်သည့် ယုန်သူငယ် သဖွယ် ရယ်ပွဲ ဖွဲ့စရာ ဖြစ်ကောင်း ဖြစ်နိုင်သော်လည်း သူနှင့်မ ချစ်သူတွေ ဖြစ်ပြီးလျှင် ဖူးစာဆိုသည် အတပ်ပြော၍ ရမည်လေလား။ အချစ်ဦး ဆိုသည် အရူးအမူး ဖြစ်တတ်သည် ဆိုသည့်အတိုင်း မတို့ နှစ်ယောက်က မခွဲနိုင် မခွာရက်စွာ အိမ်ထောင်ကျ သွားကြပါလျှင်...။ မ က ယခုချိန်၌ မည်သို့ပင် ပြန်တွေးပြန်တွေး သူ့ကို ဥပေက်္ခာပြု ခဲ့ခြင်းအပေါ် ကျေကျေ နပ်နပ်ကြီး ဖြေသိမ့် နိုင်ဆဲပင် ဖြစ်သည်။ သူ့အတွက် ခံစားရ သကဲ့သို့ ဖြစ်မိသော်လည်း သိပ်သက်တမ်း မရှည်လိုက်ပါ။ မ တက်္ကသိုလ် ရောက်သည့် အချိန်မှာ ထိုအဖြစ် အပျက်ကို ပြန်တွေးမိတော့ ပြုံးမိသည်။ “သြော်...ငါ စိတ် ကစားခဲ့တာ ပါလား” ဆိုပြီးတော့လေ။ ထို့ အတွက် လူမသိ သူမသိစွာ တိတ်တခိုး ကျခဲ့မိသော မျက်ရည်တစ်စက် နှစ်စက်ကိုပင် နှမြောမိ သလိုလို။ ရှက်ရယ်ရယ်ချင် သလိုလိုနှင့်။

သိုနှင့် တက္ကသိုလ် ဒုတိယနှစ် ရောက်လျှင် မ ထက် နှစ်နှစ်နီးပါး ကြီးပြီး ဖိုင်နယ်ကျောင်းသား ဖြစ်သော ကိုခေါင်နှင့် တွေ့ကြုံ ရပြန်သည်။ အခန်းဖော် သူငယ်ချင်း၏ မိတ်ဆက် ပေးမှုနှင့် ကိုခေါင်သည် မ နံဘေး ရောက်လာ ခဲ့သည်။ သူအတန်း အားလပ်လျှင် မနံဘေး အမြဲရှိ နေတတ်သော၊ ဘာကိစ္စ မဆို မ ဦးဆောင်ဦး ရွက် ပြုနိုင်သော၊ မ ကို အလိုလိုက် အလျှော့ပေးကာ နွေးထွေးကြင်နာ တတ်သောသူသည် မိဝေးဖဝေး၌ အပေါင်းအသင်း နည်းပါးစွာ အထီးကျန် အားငယ်နေသည့် မအတွက် လိုအပ်နေသော ကွက်လပ်ကလေး ဖြည့်ဆည်းပေးခဲ့ သူပင်ဖြစ်သည်။

“အပူ အစပ်တွေ သိပ်မစားနဲ့၊ ရာသီဥတု ပူရတဲ့ ကြားထဲ အဖု အပိမ့်တွေ ထွက်လာလိမ့်မယ်”မှ အစ-

“မ လိုအပ်တာ ရှိရင် ကိုယ့်ကိုပြော၊ စိတ်ညစ်ရင်လည်း ပြောနော်၊ မ အတွက် ကိုယ်အမြဲတမ်း ရှိတယ်ဆိုတာ ခေါင်းထဲထည့်ထား”

အလယ်-

“ကိုယ်ကလွဲပြီး မတို့ အခန်းရှေ့ ဂစ်တာတီးတဲ့ ကောင်တွေကို အားမပေးရ ဘူးနော်” အဆုံး သူ... မ ဘ၀ထဲ တိုးဝင် ရောက်ရှိလာ ပုံက သေသပ် မြန်ဆန်လွန်း လှသည်။ ၀န်ခံရလျှင် မောင်နှမ ရင်းချာ မရှိသော တစ်ဦးတည်းသော သမီးပီပီ မက အဖော်ငတ်သည်။ အထူးသဖြင့် ချွဲနွဲ့ဂျီကျလို့ ရမည့် အစ်ကို၊ အစ်မတွေကို အရူးအမူး တောင့်တနေခဲ့ သော မ နံဘေးကို အဖော် အပေါင်းလို တစ်မျိုး၊ အားကိုး မှီတွယ်ရာလို တစ်သွယ် အနေအထား မျိုးနှင့် သူရောက်ရှိ လာခဲ့သဖြင့် မတို့ နှစ်ယောက်၏ ရင်းနှီးမှုက အချိန်တိုလေး အတွင်းမှာ ခိုင်မြဲမြန်ဆန် လှပါသည်။ သူ့အပေါ် သံယောဇဉ်လည်း ရှိသည်။ သို့သော်... “ချစ်တယ်”ဟု လက်ခံခေါင်း ညိတ်ဖို့ရာ ကျတော့ မ တွန့် ဆုတ်တွေဝေ မိသည်မှာ ဘာကြောင့်မှန်း မသိချေ။ အတွေး ခေါင်တတ်သူ ပီပီ မ ရင်ထဲမှာ တစ်စုံ တစ်ခုကို စိုးထင့်မိသည်။ မတို့ နှစ်ယောက်သည် တစ်ယောက်နှင့် တစ်ယောက်မည်မျှ ခင်မင်ရင်းနှီး ကြသည်ဆိုဆို တစ်ယောက်တစ်နယ် စီမှ ဤတက္ကသိုလ် နယ်မြေမှာ လာဆုံစည်း ကြရသည့် သူ့အကြောင်း ကိုယ်မသိ၊ ကိုယ့်အကြောင်း သူမသိ။ သူစိမ်း သက်သက်များပင် ဖြစ်သည်။ သူ့အကြောင်း ဆိုသည်မှာလည်း သူ ပြောပြသလောက် အနည်း အကျဉ်းသာ မ သိရ သကဲ့သို့ သူပြောသမျှ ထိုအနည်အကျဉ်းကလည်း အမှန်တရား တွေပါဟု မ မည်ကဲ့သို့ ယုံကြည်၍ ရ မည်နည်း။ ပြီးလျှင် သူက ကော မ အကြောင်း ဘယ် လောက်ထိ သိမည်နည်း။ အိမ်ထောင်ရေးဆိုသည် နယ် ပယ်သစ်တစ်ခုကို တိုးဝင်ရ မည့် ဘယ်ညာခြေလှမ်းတစ်စုံ နှင့်တူသည်ဟု မ ထင်ပါ သည်။ ချစ်သူဘ၀က ဘယ် ခြေလှမ်းဆိုလျှင် လက်ထပ် ခြင်းက ညာခြေလှမ်းပင်။ ဘယ်ခြေထောက်က လှမ်း လိုက်ပြီးပြီဆိုလျှင် ညာခြေ ထောက်ကပါ ထပ်မံ လှမ်း ဖို့ရာ အဆင်သင့် ဖြစ်နေပြီ။ တစ်နည်းအားဖြင့် အရှိန်ရ နေပြီဖြစ်သည်။ မ ဆိုလိုသည့် နယ်ပယ်သစ်သည် အဆိုးနှင့် အကောင်း နှစ်ခုလုံး အကျုံး ၀င်ပါသည်။ ထို့ကြောင့် ဘယ်ခြေလှမ်းကို အလွန်သတိ ထားသင့်သည်။ အကောင်း ဘက်က ဦးတည်လျှင် အကြောင်းမဟုတ်သော်လည်း အဆိုးဘက်များ ဦးတည် သည် ဆိုလျှင်...။

မ က မမြင်ရသည့်ကံ တရားဆိုသည့် အရာကြီးကို ကြောက်ပါသည်။ သူ့ထံမှ မ ရယူလိုသော အရာနှင့် သူက မကို ပေးအပ်ခဲ့သောအရာများ တိုက်ဆိုင်စွာ ထပ်တူညီခဲ့၍ မက သူ့ အပေါ် အားကိုး မှီခိုစိတ်ဝင် စားခဲ့ခြင်း ဖြစ်သည်။

တကယ်တမ်း-
“ကိုယ် ကျောင်းပြီးပြီမို့ အိမ်က သဘောတူတဲ့ မိန်းမ ကို ယူရတော့မယ်၊ မရဲ့ သဘောထားကို သေချာ သိချင်တယ်” ဟု သူတောင်းဆိုလာ ခဲ့ချိန်တွင် မသည် အိပ်မက်မှ ဗြုန်းခနဲ လန့်နိုးသွား သကဲ့သို့ ခံစားလိုက်ရ ပါသည်။ မ သည် သူ့အပေါ် ချစ်သူတစ် ယောက်ကဲ့သို့ မချစ်နိုင်သည် မှာလည်း ကိုယ့်ကိုယ်ကိုယ် သေချာ သိသွားသည်။ သင့်တော်သည် ဆိုတိုင်း မချစ် မနှစ်သက်သော ယောက်ျား တစ်ယောက်အား လက်မထပ် ချင်သည်မှာ မ၏ ခေါင်းမာမှုပင် ဖြစ်သည်။ အိမ်ထောင်ရေး ဆိုသည်မှာ နစ်ပြီးလျှင် ပြန်လည် ရုန်းထွက်၍ မရတော့သည့် နွံတစ်ခု နှယ်ပင်။ ကောင်းကောင်း ဆိုးဆိုးကိုယ့်ကံ။ ဆယ်ရေး တစ်ရေးမျှပင် ကံကောင်းဖို့ရာ မသေချာ လှသော ဘ၀ကို မ နှစ်နှစ်ကာကာ ချစ်မြတ်နိုး ရသူနှင့် လက်တွဲတိုးဝင် ရင်ဆိုင်ရမည် ဆိုလျှင် တော်သေးသည်။ မချစ် မနှစ်သက်သော သူနှင့် မစွန့်စား ၀ံ့ပါ။ ထိုသို့သူနှင့် ပတ်သက်ပြီး မ ရင်ထဲဖွဲ့ တည်ခဲ့သော ခံစားချက်က အချစ် မဟုတ်သေး ဟုဆိုလျှင် အချစ်ဆိုသည်မှာ မည်သည်နည်း။

ကိုယ့်ကိုယ်ကိုယ်လည်း တကယ် နားမလည် နိုင်ချေ။ ချစ်သည်ဟု ကိုယ့်စိတ်ကိုယ် ယုံမှတ်မည် ပြင်ပြီးမှ နီးကပ် လာခဲ့ ချိန်တွင် မည်သို့မျှ လက်ခံ၍ မရသည့် အဖြစ်မျိုး။ ဒါဟာ ဘာကြောင့်လဲ။ နှလုံးသားကို ဦးနှောက်က ထိန်းချုပ် ထားလို့လား။ သို့မဟုတ် ဦးနှောက်သက်သက် နှင့်လား။ သို့မဟုတ်လျှင် နှလုံးသားနှင့် ဦးနှောက်ကို တစ်ကန့်စီ မခွဲထားဘဲ ယှဉ်တွဲ မိ၍လား။ မ သူငယ်ချင်း အများစုက အသက်အစိတ် ကျော်အရွယ်၌ အိမ်ထောင် ကိုယ်စီနှင့် သားသမီး ရသည့် သူက ရနေကြချိန် မ အချစ် စစ်စစ်ကိုပင် ရေရေရာရာ မခံစား ဖူးသေးသည်မှာ ရယ်စရာ။ အချစ်ဆုံး သူငယ်ချင်း နုက-
“အိမ်ထောင်တော့ ပြုပါ မ ရယ်။ နင့်မှာက မိဘ နှစ်ပါးက လွဲပြီး အားကိုးအားထား ပြုစရာ မောင်နှမ အရင်းအချာ ရှိတာ မဟုတ်ဘူး။ မိဘတွေ မရှိတော့ရင် နင်တစ်ယောက်တည်း ဘယ်လို ရပ်တည်မှာလဲ။ အသက် ကြီးလာရင် ဆေးပေးမီးယူ ဆိုတာ လိုကို လိုအပ်တယ်” ဟု မကြာခဏ ပြောလေ့ရှိသည်။ သူပြောတိုင်းလည်း မ က တုဏှိဘာဝေ နှုတ်ဆိတ်နေခဲ့ မြဲ ဖြစ်သည်။ ဟုတ်သည် လေ၊ “မ ဟာ ချစ်သူ မထားဘူး။ တစ်သက်လုံး အိမ်ထောင် မပြုဘူး” ဟု ကြွေးကြော်ထား ခဲ့သည်လည်း မဟုတ်ပါဘဲ လျက်နှင့် မ နှလုံးသားက သူ့အလိုလို ချစ်ခြင်း မေတ္တာမှ မပေါက်ဖွား ခဲ့တာဘဲနော်။

မ က ကံတရားကို လည်းအံ့သြသည်။ နု၏ ချစ်သူ ခင်ပွန်းသည် ချစ်သူ ဘ၀က ဘာအလုပ်ကိုင်မှ ရေရေရာရာ မလုပ်ခဲ့ဘဲ ဟေးလားဝါးလား နေသူပင်။ ယခု နုနှင့် ယူပြီးမှ အလုပ်တွေ ကြိုးစားပြီး တိုးတက်ကြီးပွား လာလိုက်သည်မှာ လူတိုင်းကပင် တအံ့တသြ ချီးကျူး ယူရသည်။ မ သည်လည်း ယခုကဲ့သို့ ကြေးများပြီး ဆန်ခါတင် ရွေးချယ်လိုက်ပြီ ပဲထား။ ထိုယောက်ျားသည် မ နှင့် အိမ်ထောင်ကျပြီး နောက်ပိုင်းမှ လူဖျင်းလူညံ့ ဖြစ်သွားလျှင်...။ သို့သော် မျက်စိရှေ့၌ သူ မကောင်းမှန်း မြင်နေလျက်နှင့် ကံကို မျှော်ကိုးပြီးလည်း မ က မယုံချင်ပါ။ မ အတွေးက မုန့်လုံး စက္ကူကပ် သကဲ့သို့ပင်။ နောက်ဆုံး၌ ကိုယ့်အတ္တဘက် သို့သာ ဘူတာပြန် ဆိုက်မြဲ။ အသက် သုံးဆယ်နားကပ် နေပြီဖြစ်သည့် မိန်းမတစ်ယောက် အနေနှင့်ပင် ရင်ခုန်သံ တွေ ဖြစ်တည် မလာသေးလျှင် အသက်သုံးဆယ်ကျော် လေးဆယ်အရွယ် ရောက်သွားခဲ့ပြီ ဆိုလျှင်ဖြင့် ဤထက် ပိုမိုရင့်ကျက်သော အတွေးအခေါ်တွေကြောင့် မ မှာ အချစ်ကို ရှာဖွေတွေ့ရှိဖို့ ရာ ပိုပြီးခဲယဉ်း သွားမည်ဟု မ က ယူဆ ထားခဲ့သည်။

သို့သော်ရင့်ကျက် တည်ငြိမ်လွန်း နေပြီဖြစ်သည့် အသက်သုံးဆယ် အရွယ် ရောက်လာချိန်မှာ မ နှစ်ရှည် လများ မေ့လျော့ နေခဲ့သော ရင်ခုန်သံ ကိစ္စ ဘွားခနဲ ပေါ်လာပြန်သည်။ နှစ်ကြိမ် နှစ်ခါမျှ ခြစ်ရာရေးရေး ထင်ခဲ့ဖူးသော မ နှလုံးသားသည် သူနှင့်ဆိုလျှင် သိပ်နုနယ် ပျိုမျစ် မနေချေ။ အသက် အရွယ်က ပေးသောအသိ တရား၏ ထပ်ဆင့်ယှဉ်တွဲ ပါလာမှုက မ၏ ရင်ခုန်သံကို ပိုမို ဘောင်ကျဉ်း သွားစေသည်။

ဦးနှောက်နှင့် နှလုံးသား အပြင် အသက် အရွယ်၏ ယဉ်ကျေးမှုက မ ကို စိတ်ကူးမယဉ် စေတတ်တော့ သည်မှာအဆန်း မဟုတ်တော့ချေ။ ထို့သို့ လက်တွေ့ကျလာ ပြီဖြစ်သော မ ဘ၀ထဲသို့ လက်တွေ့ကျစွာ တိုးဝင်လာခဲ့ သူသည် မ က“ကိုထက်သန်” ဟုခေါ်သော မနှင့် သက်တူ ရွယ်တူ စီးပွားရေး သမား တစ်ယောက်သာ ဖြစ်သည်။ စီးပွားရေး မိတ်ဆွေဆို ခြင်းထက် တစ်ကိုယ်တည်း သမား အချင်းချင်း အပြန်အလှန် စာနာနားလည် မိခြင်းက မတို့ နှစ်ယောက်၏ အနေ ထားကို ပိုမို နီးစပ်မှု ရှိစေခဲ့သည်။ မ သည် ကိုထက်သန်ကို စိတ်ထဲမှ တကယ်လှိုက်လှဲ မှုမျိုးနှင့် ခင်မင်ရင်းနှီး မိခဲ့သည်။ မ နေမကောင်း ဖြစ်သည့်အချိန်၊ အခက်အခဲ အတား အဆီးတွေကို ရင်ဆိုင်ကြုံတွေ့ ရသည့်အချိန်၊ မ နံဘေးမှာ အားပေး ဖေးမဖော် မိတ်ဆွေကောင်း တစ်ယောက် လိုအပ် နေချိန်တိုင်း သူက မအတွက် မောင်နှမ ရင်းချာလို တစ်သွယ်၊ မိတ်ဆွေ စစ်ကဲ့သို့ တစ်မျိုး အတတ်နိုင်ဆုံး ကူညီစောင့် ရှောက်ခဲ့သူ ဖြစ်သည်။ သို့ သော်လည်း ထိုခင်တွယ်မှုနှင့် ချစ်ခြင်း မေတ္တာသည် ထပ်တူ ညီပါရဲ့လားဟု သုံးသပ်မိ ပြန်ရာ မ သက်ပြင်းတွေ အခါခါ ချမိမြဲပါ။ တစ်ခါ တစ်ရံမက ကိုယ့်ကိုယ်ကိုယ် ညည်းညူ သလိုနှင့်-
“အချစ်ဆိုတာ ဘာလဲ ကိုထက်သန်” ဟု သူ့ကို အဖြေထုတ်ခိုင်း တတ်သည်။

“အချစ်ဆိုတာ လူတစ်ယောက်ရဲ့ ဘ၀အတွက် လိုရာ ပျံသန်းနိုင်ဖို့ ဘုရားက ပေးတဲ့ အတောင်ပံ တစ်စုံပဲ၊ ငှက်တစ်ကောင်ဟာ အတောင်တစ်စုံ မရှိမဖြစ် လိုအပ်သလို လူသားတစ်ယောက် အတွက်လည်း အချစ်က မရှိမဖြစ် လိုအပ်တယ်။ ဒီထက် ကျယ်ကျယ်ပြန့်ပြန့် အဓိပ္ပာယ် ဖွင့်ဆိုမယ် ဆိုရင် အချစ်ဆိုတာ ချစ်သူ လိုအပ် သမျှကို အတတ်နိုင်ဆုံး ဖြည့်ဆည်း ပေးမယ်ဆိုတဲ့ ပေးဆပ်မှုကို အခြေခံ တယ်လို့ ကျွန်တော် ယူဆတယ်။ ဘာဖြစ်လို့လဲ ဆိုတော့ ကျွန်တော် အရင်တုန်းက သိပ်အတ်္တ ကြီးပြီး၊ သိပ်တစ်ကိုယ်ကောင်း ဆန်ခဲ့သလောက် အခု မ အနားမှာ နေပြီး မလိုအပ် သမျှကို အတတ်နိုင်ဆုံး ဖြည့်ဆည်းပေးဆပ် နိုင်ဖို့ပဲ အချိန်တိုင်း တွေးမိ တတ်လာပြီလေ။ အဲဒါ ကျွန်တော့်ကိုယ် ကျွန်တော် တအံ့တသြနဲ့ လက်သင့်ခံယူ ရတဲ့ အချက်ပဲ“ ဟု လှိုက်လှဲ တက်ကြွစွာ ဖြင့် ပြုံးပြုံးကလေး အဖြေပေး လေသည်။ သူ့အဖြေက မ ကို ကိုယ့်စိတ်ကိုယ် ဘ၀င် မကျစွာ နှုတ် ဆိတ်သွားမိ စေသည်။

သူ ပြော သကဲ့သို့ အချစ် ဆိုသည်မှာ ချစ်သူအပေါ် အနစ်နာခံ ပေးဆပ်မှုဆိုလျှင် မ သူ့အပေါ် နှောင်ဖွဲ့မှု မျိုးကို မည်ကဲ့သို့ အဓိပ္ပာယ် ဖွင့်ဆို ရပါလိမ့်။ မ အတွက် အမြဲတစေ မားမားမတ်မတ် ရပ်တည်ပေးသူ အဖြစ်အားကိုး မှီခိုလိုခြင်း။ မ ကို ဂရုစိုက် မှုတွေအတွက် နှစ်သိမ့်ကြည် နူးမိခြင်း။ ဒါတွေဟာ မဘက်က သူ့ကို ပေးဆပ်လို ခြင်းမှ မဟုတ်ဘဲ။ သူ့ထံမှ ပေးဆပ်မှု တွေကို ရယူပိုင်ဆိုင် လိုခြင်းသာ ဖြစ်သည်။ သူက ပေးဆပ်လိုသူ အနေနှင့် သူ့ခံစား ချက်ကို အချစ်ဟု တင်စားလျှင် မ က မ အတွက် ရယူလို သူဖြစ်၍ ခံစားချက်ကို အချစ်ဟု တင်စားလျှင် မမှန်လောက်ဘူး ထင်သည်။

အချစ်ဆိုသည် မည်သည်နည်း။ ကိုယ့်ထံ လှမ်းလာသော ယောက်ျားတစ် ယောက်၏ ခြေလှမ်းကို ရင်ခုန်လှုပ်ရှား သယောင်ခံစား မိပြီးခါမှ တကယ်နီးကပ် လာပြန်လျှင် မရဲ့ စိတ်ခံစား ချက်က ဗြုန်းခနဲ ရုတ်ခြည်းပြောင်းလဲ သွားခြင်းမျိုး နှစ်ကြိမ်နှစ်ခါ ကြုံဖူးသော မ က အခုလည်း ကိုယ့်ခံစား ချက်ကို အမည်တပ်ရန် တွေဝေနေဆဲ ပင်တည်း။ နုနှင့်ဆုံတော့ ထိုအကြောင်း ဆွေးနွေးဖြစ်သည်။ ကျောင်းပြီးပြီးချင်း အိမ်ထောင်ကျ သွားသောနုမှာ ယခုဆို ချစ်စဖွယ် သားနှင့် သမီးလေးပင် ရှိနေခဲ့ပြီ။

“နုရယ်၊ အချစ်ဆိုတာ ဘာလဲဟင်၊ ငါ့မှာ ရွေးချယ်ဖို့ရာ ပြင်လိုက်တိုင်း ငါ့ ဦးနှောက်ထဲက အတွေးအခေါ် တွေက တုံ့တုံ့ဆွဲထား ကြတယ်”

မ၏ ညည်းညူရင်ဖွင့် စကားကို နားထောင်ရင်း နုက ပြုံးသည်။
“အဲဒါ အဖြေပဲပေါ့ မရဲ့၊ အချစ်ဆိုတာ ဘာလဲလို့ မမေးနဲ့၊ နင်လည်း မသိဘူး၊ ငါလည်း မသိဘူး၊ အဲဒီလိုပဲ လူတွေအားလုံး ရေရေရာရာ အဓိပ္ပာယ် မဖော်တတ် ကြပါဘူး၊ ဒါပေမဲ့ ပြောနိုင်တာ တစ်ခုတော့ ရှိတယ်၊ တကယ့် အချစ်မှာ ဦးနှောက်နဲ့ ပေတံ မပါဘူး”

“ဘယ်လို”

“ပေတံလေ၊ ဘယ်လို ဖြစ်မှချစ်မယ်၊ ညာဖြစ်လို့မှ ချစ်မယ်ဆိုရင် သေချာတယ် အဲဒါ အချစ်စစ်လို့ လိပ်ပြာ မသန့်နဲ့တော့။ တကယ့် အချစ်က ကောင်းကောင်းဆိုးဆိုး လက်ခံတယ်။ ယူတာ၊ မယူတာကို မပြောလိုဘူး။ နှလုံးသား ခံစားချက် သက်သက်ကို ပြောတာ”

ဟုတ်လောက်သည်။ လူတော မတိုးဝံ့သည့် ဒုကိ်္ခတ အိမ်ထောင်ဖက်ကို သေတစ် ပန်သက်ဆုံး သစ္စာ မပျက်ဘဲ စွဲစွဲမြဲမြဲ ပေါင်းဖက်သွားသည့် ခင်ပွန်းနှင့် ဇနီးမယားတွေ လောကကြီးမှာ မရေတွက် နိုင်အောင် ရှိသည်ပဲလေ။ နု က စကားတစ်ခွန်း ထပ်ပြောသည်။
“အချစ်မှာ အချစ်ပဲ ရှိတယ်၊ ပညတ်ချက် မပါဘူး”

ထိုစကား တစ်ခွန်းက မ နှလုံးသား ထဲကို ဟိုးအနက် ရှိုင်းဆုံးအထိ စူးနစ်သွား စေခဲ့သည်။ တစ်ဆက်တည်းမှာပင် မ သည် မ အား ချဉ်းကပ်လာသည့် ယောက်ျားများ ကို နှလုံးသားနှင့် အကဲခတ် သည်လား၊ ဦးနှောက်နှင့် သုံးသပ် ခဲ့သည်လား ဆိုခြင်းမှာ ကွဲပြား သွားခဲ့သည်။ တကယ်တော့ မ ဟာ လူတွေအရိုး စွဲမှတ်ယူထား ကြသည့်မိန်းမ တစ်ယောက်ဟာ အားကိုးမှီ တွယ်ရာ ရင်ခွင်တစ်ခု၊ အရိပ်တစ်ခု အောက်မှာရှိမှ ဘ၀လုံခြုံ မယ်ဟူသော အချက်ကြောင့် စိတ်တွေ ထွေပြား နေခဲ့ခြင်း ဖြစ်သည်။

ထိုညမှာပင် မ က ကိုထက်သန်ဆီ တယ်လီဖုန်း ဆက်ဖြစ်ခဲ့သည်။
“ကိုထက်သန်ကို မ ပြောချင်တာ တစ်ခုရှိတယ်၊

အချစ်ဆိုတာ စဉ်းစားပြီးမှ သိလာရတဲ့ အရာမျိုး မဟုတ်ဘူး၊ ဒီနေ့ မ သေချာတွေးမိပြီး သိလာတာ တစ်ခုကို ပြောပြမယ်၊ နှလုံးသား ခံစားချက် ဆိုတာ ဒီလူတစ်ယောက် အပေါ်မှာ ကိုယ့်ခံစားချက် ဘယ်လို ရှိတယ်ဆိုတာ၊ ဘယ်လို နှောင်ဖွဲ့ငြိတွယ်နေ မိပြီဆိုတာတွေက သူ့အလိုလို ရင်ထဲ ပေါက်ဖွား လာရမယ့် ကိစ္စပါ။ စဉ်းစား ပါရစေလို့ စကားခံတာ ကိုက မရေမရာ မသေချာမှု တစ်ခုပဲ။ တခြား မိန်းကလေး တွေကို မဆိုလို ပါဘူး။ မ တစ်ဦးတည်းရဲ့ ရင်ဘတ်ထဲက လှိုက်လှိုက်လှဲလှဲ ဖြစ်ပေါ်လာတဲ့ အသိပါ။ ကို ထက်သန် မ ကို သိမှာပါ၊ မ က ဟန်မဆောင် တတ်ဘူး၊ မလိမ်ညာ တတ်ဘူး၊ ချစ်ကြိုက်ရက် သားနဲ့ တမင်သက် သက်စဉ်းစား ပါရစေလို့ အချိန် ဆွဲမယ့် မိန်းမလည်း မဟုတ်ဘူး၊ မ ကိုထက်သန်ကို ပြောပြချင်တာ အဲဒါပဲ၊ ဒီအဖြေကို ပြောရတဲ့ အတွက်လည်း မ စိတ်မကောင်း ပါဘူး”

“မ”
မ စကား အဆုံးမှာ သူ့ ခေါ်သံ ထွက်လာသော်လည်း ဘာမှ ဆက်မပြောဘဲ ငြိမ်သက်သွား ခဲ့သည်။ သူထိရှ နာကျင်သွားခဲ့ ပြီဆိုခြင်းကို သိသော်လည်း စိတ်မကောင်း ဖြစ်မိရုံက လွဲပြီး မ မည်သို့ တတ်နိုင်ပါ မည်နည်း။ ကိုထက်သန် ပြောခဲ့ ဖူးသကဲ့သို့ အချစ်ကို အတောင်ပံ တစ်စုံ အဖြစ်တင်စား ရမည်ဆိုလျှင် တောင် မ ၌ ထိုအတောင်ပံကို ရယူပိုင်ဆိုင် လိုသော ခံစားချက်မျိုး ရှိမလာခြင်း၊ တစ်နည်း ပြောရလျှင် မ နှလုံးသားမှာ ချစ်ခြင်းမေတ်္တာ သူ့အလိုလို မပေါက်ဖွားလာ ခဲ့ခြင်းသည် မ၏ ရှေးရေစက် အကြောင်း တရားကြောင့် ဖြစ်လိမ့်မည်။ ပြီးလျှင် ပျံသန်းလိုသူ အတွက် အတောင်ပံ တစ်စုံသည် မရှိမဖြစ် လိုအပ်သည် မှန်သော်လည်း မပျံသန်း လိုသူ အတွက်တော့ အတောင်ပံသည် အပိုဝန်ထုပ် ၀န်ပိုးနှင့် တူနေလိမ့်မည်။

မ အတွက်တော့ အချစ်သည် မလိုအပ်သော အတောင်ပံ တစ်စုံမျှသာ ဖြစ်နေခဲ့ပြီ ဖြစ်သောကြောင့်...။
လူသားတစ်ယောက် နံဘေးမှာ (အထူးသဖြင့် အား နွဲ့သူ မိန်းမတစ်ယောက် အတွက်) အဖော်အပေါင်း ပြုအပ်သူ တစ်ဦးတစ်ယောက် မဖြစ်မနေ ရှိသင့်သည် ဆိုခြင်းအား မ ဝေဖန်ချက် မပေး သော်လည်း ထိုအဖော် အပေါင်းသည် ခင်ပွန်း ယောက်ျား ဖြစ်နေဖို့ ရာဖြင့် လှိုက်လှိုက်လှဲလှဲ မထောက် ခံချင်ပါ။ နှလုံးသားမှာ မလိုအပ်သူ၊ ငြင်းပယ်ချင် သူကို အားကိုး မှီတွယ်ရန် တစ်ခုတည်း သက်သက်နှင့်တော့ မ ၏ ဘ၀တစ်ခု လုံးကို ကံတရား လက်ထဲ ထည့်မပစ် လိုက်လိုခြင်းသည် တစ်ယောက်တည်း ဆိုသည့်အနေ အထားလေး ဖြစ်သွားရန် လုံလောက်သည့် အတ္တဆိုလျှင် ပင် မ က ထိုဘ၀ကို တစ်သက်လုံး ပြုံးပြုံးကလေး ဖက်တွယ်ထား လိုက်တော့မည့် သူသာ ဖြစ်သည်လေ။



ငွေဇင်ယော်ဦး၊မိုးကုတ်၊
(ရွှေအမြုတေ မဂ္ဂဇင်း၊အောက်တိုဘာလ ၂၀၁၁)

3 comments:

သတိုး said...

ဘယ်အချိန်ကတည်းက ရောက်နေတာလည်း ဆရာမ။ ကြိုဆိုပါတယ် ခင်ဗျာ။ စာဖတ်စရာ တစ်နေရာ ထပ်တိုးပြန်တာပေါ့။
မရဲ့ အကြောင်း ရွှေမှ ဖတ်ဖူးတယ်။ ထပ်ဖတ်ခဲ့ပါတယ်။
ခင်မင်သော..
သတိုး

အမ်တီအန် said...

ဆရာမရဲ့ စာဖတ်ပရိသတ်တစ်ဦးပါ။ မဂ္ဂဇင်းစာမျက်နှာပေါ်မှာသာမက၊ အွန်လိုင်းပေါ်မှာပါ ဖတ်ခွင့်ရလာတာ ၀မ်းသာမိပါတယ်။ စိတ်ချမ်းသာ ကိုယ်ကျန်းမာစွာ စာတွေ ရေးနိုင်ပါစေလို့..။

လူခါး said...

ဆရာမရေ...။မျှော်နေခဲ့တာကြာပါပြီဗျာ..။ခုမှပဲတွေ့ ရတော့တယ်နော်..။ဆရာမ၇ဲ့ အမာခံပရိတ်သတ်ပါဗျာ..။ရွှေမှာဒီဟာလေး ဆုရမယ်ထင်နေတာ..။
လေးစားလျှက်
လူခါး(ခေတ္တ..မလေး၇ှား)

Post a Comment