နိဒါန်း
“မေသစ်အောင်ရဲ့ လူက ရေခဲတုံး ကျနေတာပဲ။ အေးလိုက်တာ။ တစ်ရက် တစ်ရက် စကား ဆယ်လုံး ကွဲအောင်တောင် ပြောရဲ့လား မသိဘူးး။ ကြည့်ရတာ သဘောကောင်း ကြင်နာ တတ်မယ့်ပုံပဲနော်။ မေသစ်အောင်က အရွေးတော်လိုက်တာ”မောင့်ကို ကျွန်မမိတ်ဆွေ အပေါင်းအသင်းတိုင်း ထိုသို့ မှတ်ချက်ချလေ့ ရှိကြသည်။ ပြောလည်း ပြောစရာပင်။ ကျွန်မကိုယ်တိုင်တောင် တွေ့စက “ဒီလူ စကားမှ ပြောတတ်ရဲ့လား မသိ” ဟု သံသယ ၀င်မိသည် အထိ မောင်က နှုတ်နည်းလွန်းသူ ဖြစ်သည်။ ချစ်သူတွေ ဖြစ်လာတော့ ကျွန်မက မောင့်ကို “မောင်က သိပ်အေးတာပဲနော်။ ပန်ကာရှေ့ချထားတဲ့ ရေခဲတုံးကလေးအတိုင်းပဲ” ဟု ပြောမိတော့ မောင်က ခပ်အေးအေးပြုံးရင်း “ဟုတ်လား”တဲ့။
x
လူအကြောင်း ပေါင်းကြည့်မှ သိဆိုသလိုပင် ကြည့်လိုက်တာနှင့် သဘောကောင်း စိတ်ရှည်မည့်ပုံ အထင်းသား ပေါ်နေသော မောင်သည် အလွန် စိတ်မရှည်တတ်သူဖြစ်ကြောင်း ရည်းစားသက်တမ်း လပိုင်းပင် မပြည့်မီ ကျွန်မ သိလာရပါသည်။ စကားပြောနေရာမှ ကျွန်မ မကြားလိုက်၍ ဒါမှမဟုတ် နားမရှင်း၍ ပြန်မေးမိလျှင် တစ်ခါ၊ နှစ်ခါထက် ပိုမေး၍မရ။ မောင့်လေသံ မာဆတ်ဆတ် ဖြစ်နေပြီ။ ထို့ကြောင့် မောင့်ကို စနောက်ချင်လျှင် သိပ်ပြီး ဦးနှောက် သုံးစရာမလိုပါ။ မောင် ပြောသမျှ မရှင်းချင်ဟန်ဆောင်၍ “ဟင်... မရှင်းလို့ နောက်တစ်ခေါက်ပြောဦး” ဟု နှစ်ခါလောက် ပြောလိုက်ရုံပင်။ ဒါဆိုလျှင် မောင့်ရဲ့ မှုန်ကုပ် ကုပ်မျက်နှာထားကို ကောင်းကောင်း မြင်ရပြီဖြစ်သည်။
“အာရုံတွေ ဘယ်ရောက်နေတာလဲကွာ။ ရေဒီယိုတောင် နှစ်ခါမကြေညာဘူး”
မောင် စိတ်တိုလာလျှင် မျက်မှောင်ကုတ်၍ နှုတ်ခမ်း အနည်းငယ်စူကာ လေသံ မာလာသည်မို့ ရယ်စရာ ကောင်းပါသည်။ တစ်ခါတစ်ရံလည်း ကျွန်မက “မောင်က ဒီလောက်တောင် စိတ်မရှည်တတ်တာများ ရည်းစား ထားနေသေးတယ်နော”ဟု ပြောလျှင် မျက်နှာထား ချက်ချင်းလျှော့၍ “ဆောရီး...နောက်တစ်ခါဆို တကယ် စိတ်ရှည်မယ်ကွာ”တဲ့။ ပြီးလျှင်လည်း ထစ်ခနဲဆို စိတ်မရှည်ဖြစ်မြဲပင်။ ထိုကိစ္စကိုတော့ “သြော်... မောင်က စိတ်မရှည်တတ်ပါလား” ဟု စိတ်ထဲ အသိအမှတ်ပြုလိုက်မိခြင်းကလွဲပြီး ရင်ထဲ ထူးထူးထွေထွေ မခံစားလိုက်ပါ။ ထိုမှတစ်ဆင့်တက်၍ သိလာရသည့် မောင့်စိတ်နေစိတ်ထား စရိုက်ကတော့ ကျွန်မ ခံစားချက်ထဲ ခြေလှမ်းစ၀င်လာပြီ ဖြစ်သည်။ ကျွန်မ၌ အရင်းနှီးဆုံး သူငယ်ချင်းအုပ်စု ရှိသည်။ တစ်ရုံးစီ၌ တစ်ကွဲတစ်ပြား အလုပ် ၀င်လုပ်နေကြရသည်မို့ ရုံးပိတ်ရက်တွင် ချိန်းဆိုပြီး တွေ့ဆုံလည်ပတ်ကြရသည်။ မောင်နှင့်ချစ်သူ ဖြစ်ပြီးသည့် နောက်ပိုင်း ကျွန်မမှာ ထိုအုပ်စုကလေးထဲ မပါနိုင်တော့ပါ။ ထို့ကြောင့် ရံဖန်ရံခါ ဆိုသလို သူတို့တွေက “ရုပ် ရှင်ကြည့်မယ်”ဆိုလျှင် လိုက် ကြည့်ချင်သည်။ “လည် မယ်” ဆိုလျှင်လည်း ကျွန်မ ငြင်းရမှာ အားနာပြန်သည်။ ဒီလိုနှင့်ပင် သူတို့အုပ်စုထဲ မကြာခဏ ပါပါသွားမိ သည်။ ထိုရက်မျိုးတွင် မောင် နှင့် သွားလာမည့် အစီအစဉ် ကို ဖျက်ပစ်ရသည့် ပထမ တစ်ခေါက်၌ မောင်က ဘာသိဘာသာ။ ဒုတိယတစ် ခေါက်၌လည်း တစ်ခွန်းမျှ မတား။ တတိယတစ်ခေါက် မှာတော့ မောင့်သဘောထား ကို သိရသည်။
“ပြောမှသိတဲ့ လူစားထဲ သစ်သစ်မပါဘူးလို့ ထင်နေ တာ။ အခုတော့ ထိပ်ဆုံးက ပဲနော်”
ထိုစကားကို မောင်က ပြုံးရယ်၍ပြောသည်မို့ ကျွန်မ က မောင် ဘာကိုဆိုလိုမှန်း မသိ။ “မသွားရဘူးလား”ဟု မေးတော့လည်း “သွားပါ၊ သွားပါ။ သစ်သစ်သဘော” တဲ့။ မောင့်ပုံစံက အတည် ပြောသည်လား၊ ရွဲ့ပြောသည် လား ခွဲခြားမရ။ သို့နှင့် ကျွန်မက မောင်ကြိုက်ပုံ မရ ဘူးဟု ယူဆကာ နောက် နောင် သူငယ်ချင်းတွေ ခေါ် လျှင် ငြင်းရသည်။ နှစ်ခါ၊ သုံးခါမျှ ငြင်းပြီးလျှင်တော့ ကျွန်မ အားနာနေပြီ ဖြစ် သည်။ သူငယ်ချင်းတွေက လည်း တစ်မျိုး။
“ကိုအုပ်စိုးရေ... ရှင့်ရဲ့ သစ်သစ်ကတော့ ကျွန်မတို့ ဘယ်ခေါ်ခေါ် မလိုက်တော့ ဘူး။ အခုလည်း ရှင့်ကို မေး ဦးမယ်တဲ့လေ။ အလကား အပိုတွေ၊ ကိုအုပ်စိုးကဖြင့် သစ်သစ်ဆန္ဒကို ဘယ်တုန်း ကများ တားမြစ်ဖူးတာ မှတ် လို့”
ကျွန်မက ကြံရာမရနှင့် “နေဦး၊ မောင့်ကို မေးလိုက် ဦးမယ်”ဟု သူတို့နှင့် လိုက် သင့်၊ မလိုက်သင့်ကိစ္စကို လတ်တလော ဖြေရှင်းလိုက် တာ ဖြစ်သည်။ ဒါကို သူငယ်ချင်းကလည်း မောင့် ကို စသလို နောက်သလိုနှင့် ပြန်ပြောသည်။ သူက မောင့် အပေါ်ယံကို ကြည့်၍ ရင်း ရင်းနှီးနှီး ပြောမိတာ ဖြစ်ပေ မယ့် ကျွန်မအတွက်တော့ ချောက်ကျသွားရသည်။ အံ့သြစရာပင်။ သူငယ်ချင်း တွေရှေ့၌ ပြုံးရယ်နေခဲ့သော မောင်သည် နှစ်ယောက် တည်းပဲ ကျန်ချိန်၌ ကျွန်မကို စိတ်ဆိုးမာန်ဆိုး ပြောတော့ သည်။
“ကျွန်တော် သဘော ကောင်းတိုင်း လူတွေက အ တယ်လို့ ထင်နေကြလား မသိပါဘူး။ အရာရာကို သစ်သစ်သဘောအတိုင်း လိုက်နာရအောင်က တစ်နေ့ မှာ အိမ်ထောင်ဦးစီးမယ့်လူ က သစ်သစ်လား၊ ကျွန်တော် လား။ သစ်သစ် ဘာတွေ လျှောက်ပြောထားသလဲ မသိ ဘူး”
“ဟင်... သူ့ဘာသာ ပြောချင်တာ လျှောက်ပြော သွားတဲ့ဥစ္စာ။ ကျွန်မဘက် လှည့်မလာနဲ့နော်။ မောင် မသွားစေချင်ရင် ဗြောင်ဖွင့် ပြော။ ကျွန်မ လုံးဝမသွား ဘူး”
“သွားပေါ့၊ ကျွန်တော့် ကို သိပ်ပြီး ဂရုစိုက်မနေပါ နဲ့။ သစ်သစ် စိတ်ချမ်းသာဖို့ အရေးကြီးပါတယ်”
ကျွန်မကို “သွားပါ”ဟု လည်း ကြည်ကြည်ဖြူဖြူ ခွင့်မပြု။ “မသွားနဲ့”ဟုလည်း ပီပီပြင်ပြင် မတား။ မျက်နှာ ထားချိုချိုနှင့် စကားကို ကပ် သီးကပ်ဖဲ့ ပြောနေသည်။ ပထမဆုံးအကြိမ် မောင့်စိတ် ဓာတ်က တစ်မျိုးကြီးပါလား ဟု ကျွန်မစိတ်ထဲ ဝေဖန် လိုက်မိသည်။ ပြီးလျှင် မောင် က အလွန်သ၀န်တိုတတ်သူ လည်း ဖြစ်သည်။ အထူး သဖြင့် ကျွန်မနှင့် အလွန်ရင်း နှီးသော ငယ်သူငယ်ချင်း ကိုလင်းနှင့် ပတ်သက်၍ ကျွန်မကို စိတ်မချချင်။
“သူက သစ်သစ်ကို ကြိုက်ဖူးတယ်မလား”
“ပေါက်ပေါက်ရှာရှာ မောင်ရယ်။ ကျွန်မတို့က မောင်နှမတွေလို နေလာကြ တဲ့ဥစ္စာ”
မောင်က “သိပ်မယုံချင် ဘူး”ဟူသည့် သဘောနှင့် ပခုံးတစ်ချက် တွန့်ပြသည်။ ကျွန်မကလည်း သူ့အလိုလို ရှင်းနေသည့် ကိစ္စတစ်ခုကို အသည်းအသန် ရှင်းပြရန် မလိုအပ်ဟု ယူဆသည်။ ကိုလင်းနှင့်ပတ်သက်၍ တစ် ရေးနိုး၌ပင် ထမေး ထမေး ရိုးသားကြောင်း လိပ်ပြာသန့် သန့်နှင့် ၀န်ခံရဲသည်။ မောင် ကတော့ ကြံဖန်၍ သံသယ ၀င်ချင်သည်။
“သူ့မျက်လုံးတွေ ကြည့် ရတာ သစ်သစ်အပေါ် မရိုး သားဘူး။ ယောက်ျားချင်းမို့ ပိုသိသာတယ်”
“ဒါတော့ ကျွန်မလည်း မပြောတတ်ဘူး။ ကျွန်မ ပြန် မကြိုက်တာကတော့ အမှန် ပဲ”
ခက်သည်က ဘာမှ မသိသည့် ကိုလင်းက ကျွန်မ နှင့် စပ်လျဉ်း၍ မောင့်ကိုပါ ခင်မင်ရင်းနှီးနေသည်မို့ တွေ့ သည့်နေရာ ဖက်လဲတကင်း နှုတ်ဆက်တတ်ခြင်းပင်။ တစ် ခါတစ်ရံ အအေးဆိုင်၊ လက် ဖက်ရည်ဆိုင်များ၌ပင် ၀င် ထိုင်လိုက်သေးသည်။
“သစ်သစ်... ဒီနေ့ သိပ်ပျော်နေတယ်ထင်တယ်။ တစ်ဝိုင်းလုံး သစ်သစ်အသံ ချည်းပဲ”
မောင် ထိုသို့ပြောပြီး သည့်နောက် ခါတိုင်းလို စကားဖောင်ဖွဲ့ မပြောမိ အောင် ကျွန်မ သတိထားရ တော့သည်။ မောင်မှ မကြိုက်ဘဲလေ။ ချစ်သူနှင့် သူငယ်ချင်း ဘယ်သူ အရေး ကြီးသလဲဆိုတာ နှလုံးသား က ဆုံးဖြတ်ရင်း သတိနှင့် ဆင်ခြင်လိုက်ပါသည်။ သို့ သော် မောင်က အလိုမကျ သေး။
“သိသိသာသာကြီး လည်း တေမိလုပ်မနေနဲ့လေ။ သစ်သစ်အချိုးကို ကိုလင်း ရိပ်မိသွားရင် ကျွန်တော် ဘာ ကောင်ဖြစ်သွားမလဲ ဆိုတာ နည်းနည်းပါးပါး တွေးစမ်း ပါဦး”
ရော်...ခက်ပြီ။ ကျွန်မ မှာ ရှေ့တိုးလည်း မလွတ်။ နောက်ဆုတ်လည်း အဆင် မပြေ။ နေရင်းထိုင်ရင်းနှင့် မောင့်သံသယစက်ကွင်းထဲ အနေကျုံ့နေရသည်။ ကိုလင်း ကတော့ မောင့်ရဲ့ အပေါ်ယံ သွင်ပြင်ကို ကြည့်၍ “နင့်လူ ကလည်း အေးလိုက်တာ မိသစ်ရာ။ ဘယ်လိုများ တွေ့ လာတာလဲ”ဟု ဘုမသိ ဘ မသိ ချီးကျူးတိုင်း ကျွန်မက တိတ်တိတ်ကလေး မျက်နှာ ပူမိမြဲ။
“ကိုလင်းက သစ်သစ် အကြိုက်ကို ကျွန်တော့်ထက် တောင် ပိုသိနေသေးတယ် နော်။ အအေးဆိုင်ထဲ ၀င်တာ နဲ့ ကြံရည်တစ်ခွက်၊ လက် ဖက်ရည်ဆိုင်ထဲ ၀င်တာနဲ့ ချိုဆိမ့်တစ်ခွက်ကို ပြောစရာ တောင် မလိုဘူး။ မှာပေးပြီး သားပဲ”
ပြဿနာ ပို၍အကျယ် ချဲ့သွားမည် စိုးရိမ်၍သာ ကျွန်မ နှုတ်ပိတ်နေရသည်။ တကယ်ဆိုလျှင် မောင့်ထက် နှစ်ပေါင်းများစွာ ပိုစော၍ တွေ့ခဲ့သော ကိုလင်းအနေနှင့် ကျွန်မအကြိုက် အကုန်သိနေ တာ ဆန်းသတဲ့လား။ ကျွန်မ ပင်လျှင် ကိုလင်း ချော ကလက် သိပ်ကြိုက်တာ သိ နေသေးသည်ဟုများ ပြော လိုက်လျှင် မောင် မေ့ပင် လဲသွားမည်လား မပြော တတ်ပါ။ သူငယ်ချင်းတွေ ကြားထဲ၌ ထိုကိစ္စမျိုးတွေ ရှိတာ သဘာဝကျကြောင်း မောင် နားလည်မှုမပေး တတ်။ ဤကိစ္စတစ်ခုတည်း ၌သာ မဟုတ်။ အရာရာ၌ နားလည်မှုပေးခြင်း ဆိုတာ မောင့်မှာ အရှားပါးဆုံးအရာ ပဲ ဖြစ်သည်။ ထိုယောက်ျား တစ်ယောက်ကိုမှ ကျွန်မက ရင်နင့်အောင် ချစ်မိခဲ့ပြီပင်။
ယင်းပြဿနာနှင့် အလားတူ စိတ်ကသိ ကအောက် ဖြစ်စရာတွေက ကျွန်မတို့နှစ်ယောက်ကြား၌ တစ်ခုမဟုတ် တစ်ခု အမြဲ ရှိနေတတ်သည်။ တစ်ခါက လည်း ကျွန်မအစ်မအကြီးဆုံး တို့ လင်မယားအိမ်သို့ မောင့် အား အလည်အပတ် ခေါ် သွားပါသည်။ မမကြီးတို့ လင်မယားက သဘောမနော ကောင်းကြသူတွေမို့ ထုံးစံ အတိုင်း ဆွေမျိုးတွေ အ၀င် အထွက် မပြတ်ချေ။ ထိုအိမ် မှအပြန်တွင် မောင်က ကျွန်မ ကို စကားစသည်။
“ကျွန်တော်တို့ နှစ် ယောက် လက်ထပ်ပြီးရင် တော့ အေးအေးဆေးဆေးပဲ နေမယ်နော် သစ်သစ်။ ကျွန်တော်က လူတွေ ရှုပ် ယှက်ခတ်နေရင် ခေါင်းကိုက် တတ်တယ်”
မောင် ဘာကိုဆိုလိုမှန်း ကျွန်မ ဒက်ခနဲ သိလိုက် သည်။ ကျွန်မအစ်မအိမ်ကဲ့သို့ ဆွေမျိုးသားချင်းတွေ တရုန်း ရုန်း သွားလာဝင်ထွက်ကြမှာ ကို မောင်မကြိုက်ကြောင်း အသိပေးနေခြင်းပင်။ ကျွန်မ ရင်ထဲ အောင့်သွားရသည်။
“ယောက်ျားတစ် ယောက်နဲ့ မိန်းမတစ် ယောက် လက်ထပ်တယ်ဆို တာ တစ်ယောက်ကို တစ် ယောက် အပြန်အလှန် တာ ၀န်ယူကြတာပဲ။ အပိုဝန် ထမ်းနေရရင် တော်ရုံတန်ရုံနဲ့ အိမ်ထောင်ရေးက မသာယာ နိုင်တော့ဘူး”
ဘုရား... ဘုရား။ ကျွန်မအမျိုးများက ကျွန်မတို့ အိမ်တွင် ၀ိုင်းဖွဲ့စားသောက် နေကြလိမ့်မည်ဟု မောင်မို့ အထင်သေးစွာ တွေးရက်ပါ ပေ့။ စည်းလုံးရိုင်းပင်းခြင်း နှင့် မှီခိုကပ်ရပ်စားနေကြခြင်း ကို မောင် ဘာကြောင့် ခွဲခြား မမြင်တတ်ပါလိမ့်။ ကျွန်မတို့ အသိုက်အ၀န်းသည် ဘိုးဘွား စဉ်ဆက် ဆင်းရဲချမ်းသာ မရွေး စည်းလုံးချစ်ခင်ခဲ့ကြ ကြောင်း၊ မရှိလျှင်လည်း ကိုယ့်ခြေကိုယ့်လက်သာ အားကိုး၍ ကြိုးစားရုန်းကန် ကြမည့်သူတွေ ဖြစ်ကြောင်း၊ သူတစ်ပါးအောက်ကျို့ပြီး ကပ်ရပ်စားသောက်မည့်သူ တစ်ယောက်မျှ မရှိကြောင်း ကျွန်မ ရှင်းပြလိုက်ချင်သည်။ သို့သော် ကျွန်မ၏ဖြေရှင်း ချက်က (အိုးမလုံအုံပွင့်)ဟု မောင့်သံသယကို လက်ခံ အတည်ပြုပေးလိုက်သလို ဖြစ်သွားမည်မို့ ထုံးစံအတိုင်း နှုတ်ခမ်းနာနာကိုက်၍ နှုတ် ပိတ်ထားရပြန်သည်။ မောင် သည် စကားတစ်ခွန်းကို အစွန်းမလွတ်အောင် ပညာ သားပါပါနှင့် ပြောထည့်ရာ ၌ အလွန်ကျွမ်းကျင်သူ ဖြစ် သည်။ ကျွန်မကတော့ အရာ ရာကို ရိုးရှင်းစွာ တွေး၍ ပွင့် ပွင့်လင်းလင်း ပြောတတ်သူ မို့ မကျေနပ်စရာရှိလျှင် ပြန် လည်း မချေပတတ်။ မတုံ့ ပြန်တတ်ဘဲ အောင့်သက် သက်နှင့် စိတ်ကောက်ရုံမှ လွဲပြီး ဘာမှမတတ်နိုင်ပါ။
“တော်ပြီ၊ ကျွန်မကို သုံးရက်တိတိ လာမတွေ့နဲ့ သိလား”
မောင့်ကို မခေါ်မပြော ဘဲ စိတ်ကောက်မိခြင်းသည် တကယ်တမ်းက ကျွန်မစိတ် တွေကို ထွက်ပေါက်ရှာပေး လိုက်တာပင်။ မောင့်လုပ်ရပ် များအပေါ် စိတ်ဆိုး၊ စိတ်နာ စရာဟု ခံစားရပေမယ့် တစ်ဦးတစ်ယောက် နား လည်အောင် ဖွင့်ပြောဖို့ရာ တော့ ခက်ခဲနေပြန်သည်။
“သမီး... ဘာလို့ ခဏ ခဏ စိတ်ကောက်ပြီး မခေါ် မပြော လုပ်နေရတာလဲ။ ဘာ စိတ်ဆိုးရတာလဲလို့ မေးလိုက် တိုင်းလည်း အကြောင်းပြ ချက်က ဟုတ်တိပတ်တိ မရှိ ဘူး။ ရေရေရာရာ မပြောပြ နိုင်ဘူး။ မောင်အုပ်စိုး သဘောကောင်းတယ် ဆိုပြီး ဇွတ်အနိုင်မယူချင်ပါနဲ့ကွယ်”
ထိုစကားအတွက် ကျွန်မ မေမေ့ကို အပြစ် မတင်မိပါ။ ကျွန်မ၏ခံစား ချက်မျိုးကို ကိုယ်တိုင်ကြုံ တွေ့ခံစားဖူးသူမှသာ ကိုယ် ချင်းစာ နားလည်ပေးနိုင်ပါ လိမ့်မည်။ နောက်တော့ လည်း မောင့်အသိုက်အ၀န်း ၏ သကာဖုံး အခြေအနေ တွေကို အတွင်းကျကျ သိ လိုက်ရမှ ကျွန်မ မောင့်ကို ခွင့်လွှတ်ပေးနိုင်သွားသည်။ အပေါ်ယံမျှသာ ဖက်လဲ တကင်း ရှိတတ်ကြပေမယ့် နောက်ကွယ်၌ အတ္တမာနတွေ နှင့် အတင်းပြောချင်သူတွေ ဖြစ်သည်။ ငွေမရှိလျှင် အသိုက်အ၀န်းထဲ မျက်နှာ ငယ်သည်။ ကိုယ့်မာနနှင့် ကိုယ် ခပ်တန်းတန်းနေကာ မလိုအပ်ဘဲ တစ်အိမ်နှင့် တစ် အိမ် အ၀င်အထွက်မရှိ။ ထိုအသိုက်အ၀န်းမျိုးထဲ ကြီး ပြင်းလာသော မောင့်၌ ထိုအရိပ်အငွေ့တွေ လွှမ်းမိုး နေမှာကို သိလျက်နှင့် ခွင့် မလွှတ်နိုင်လျှင်လည်း ကျွန်မ သာ လွန်ရာကျလိမ့်မည်။ ကိစ္စရပ်တိုင်း၌ မောင် လွန် သည်ဟု ကျွန်မ လက်ညှိုး ထိုးနေတာ မဟုတ်ပါ။ ဘယ် သူကပဲလွန်လွန် ကျွန်မတို့ နှစ်ယောက်ကြား၌ အမြဲလိုလို မပြေလည်ကြတာတော့ အမှန် ပင်။ သို့သော် အယူအဆတွေ ဘယ်လောက်ကွဲကွဲ ကိုယ့် ယုံကြည်ချက်ကို ခေါင်းမာ စွာ တင်းခံသည့်နေရာ၌တော့ မောင်နှင့်ကျွန်မ အလွန်တူပါ သည်။ ကျွန်မစိတ်ဓာတ်က သူတစ်ပါးထံမှ အယူချည်းပဲ မလိုချင်။ ထို့ကြောင့် ကျွန်မ တို့နှစ်ယောက် ဘယ်ဆိုင်ပဲ ထိုင်ထိုင် ကျွန်မက ညီတူ ညီမျှ ကုန်ကျခံလိုသည်။ မောင်တစ်လှည့် ရှင်းလျှင် ကျွန်မကလည်း တစ်လှည့် ရှင်းချင်သည်။ ဒါကို မောင် က သဘောမတူ။
“ကျွန်တော်က ယောက်ျားလေးလေ။ သစ် သစ် အဲလိုလုပ်တော့ အောက် တာပေါ့”
“ဟင့်အင်း၊ ကျွန်မတုိ့ နှစ်ယောက်က အခုမှ သမီး ရည်းစားဘ၀ပဲ ရှိသေး တယ်။ မောင်တစ်ယောက် တည်း အစစအရာရာ တာဝန် ယူနေရတာမျိုး မဖြစ်စေချင် ဘူး။ ကျွန်မအကျင့်က သူများဆီက အလကား ဘာ တစ်ခုမှမယူတတ်ဘူး။ လက် ထပ်ဖို့သာ ငွေစုပါ မောင် ရယ်”
မောင်က ဘာစကားမှ ထပ်မဟလာတော့ပါ။ အဲဒီ လိုပဲ မောင်က ဘယ်ကိစ္စပဲ ဖြစ်ဖြစ် ကျေနပ်သည်ဖြစ်စေ၊ မကျေနပ်သည် ဖြစ်စေ ထုတ် ဖော်မပြောဘဲ ရင်ထဲ၌သာ အချိန်အကြာကြီး မျိုသိပ်ထား လိုက်တတ်သည်။ အခါအခွင့် သင့်လျှင်တော့ အချိန်ဘယ် လောက် ကြာခဲ့ပြီပဲဖြစ်ဖြစ် အစ ဆွဲထုတ်လာတတ်မြဲ။ ယင်းကိစ္စကိုလည်း မောင် အစာမကြေမှန်း အချိန် အတော်ကြာမှ ကျွန်မ သိခွင့် ရသည်။ နှစ်ယောက်သား စကားပြော အဆင်မပြေ၍ အခါအခွင့်သင့်တိုင်း (ဟုတ် တယ်လေ၊ ကျွန်တော်က အသုံးမှ မကျတာ။ အခုက တည်းက ကုန်ကျစရိတ်ကို နှစ်ယောက် မျှရှင်းနေရတာပဲ ကြည့်) ဟူသည့်စကားနှင့် ကိုင်ပေါက်တော့သည်။ ကျွန်မမှာ (ဘယ်လို...ဘယ် လို)ဟု ယောင်ယမ်းမေးရင်း ပါးစပ်အဟောင်းသားနှင့်။ မောင်သည် စကားတစ်ခွန်း ကို လိုရာအဓိပ္ပာယ် ဆွဲတွေး ၍ ကြိတ်မြုံထားတတ်သည့် နေရာ၌ နှစ်ယောက်မရှိပါ။ ကျွန်မက တစ်ခုခု မကျေနပ် လျှင် ချက်ချင်း ဗြောင်ပြော ၍ ကျေလည်သည်အထိ ရှင်းလိုက်ရတာကို သဘော ကျသည်။ မကျေနပ်ချက်တွေ မျိုသိပ်ရတာ များလာလျှင် အစိုင်အခဲ ဖြစ်လာတတ်သည် မို့ ကျွန်မက ပြောစရာရှိလျှင် အားမနာတမ်း ပြောသည်။ စိတ်ဆိုးစရာရှိလျှင် စိတ်ဆိုး ပစ်လိုက်မည်။ ရင်ထဲ ကြာ ရှည်အုံဖွဲ့မထားတတ်ဘဲ စိတ် ရှင်းရှင်းနေချင်သည်။ ရင်ထဲ ခုနေလျှင် ထိုကိစ္စ မရှင်း မချင်း အိပ်၍ပင်မပျော်။ မောင်ကတော့ ကျွန်မနှင့် ဆန့်ကျင်ဘက် ဖြစ်သည်။ ထစ်ခနဲဆိုလျှင် အထအန ကောက်၍ ရင်ထဲ မြုံထား လိုက်တော့သည်။ တစ်ခါ တစ်ရံ မောင် ဘာကို စိတ် ဆိုးသွားမှန်း ကျွန်မပင် မသိ လိုက်။ ကြာ၍ မောင် ပြန် အစဖော်လာမှ မနည်း ပြန် စဉ်းစားယူရတာလည်း ရှိ သည်။ တချို့ကိစ္စတွေဆိုလျှင် ကျွန်မပင် ကောင်းကောင်း မမှတ်မိတော့။ အံ့သြစရာ ကောင်းသည်မှာ မောင်က (ဘယ်နေ့၊ ဘယ်ရက်က ဘယ်နေရာမှာ)ဟု အတိ အကျ မှတ်ထားတတ်ခြင်း ပင်။ မောင်သည် အလွန် အတေးအမှတ်ကြီးသူ ဖြစ် မှန်း ကျွန်မ ကောင်းကောင်း သိသွားပါသည်။ ပြဿနာ အဖြစ်မခံနိုင်သည့် ကျွန်မမှာ ကြာတော့ စကားမမှား အောင် ဂရုစိုက်ရင်း နှုတ် လည်း အလိုလို နည်းလာ တော့သည်။ ကျွန်မ ရိုးသား စွာ တဲ့တိုးပြောလိုက်သော စကားကို မောင်က ကွေ့ ကောက်တွေး၍ အဓိပ္ပာယ် တလွဲယူတတ်သည်။ မောင် တမင်တကာ ကန့်လန့်တိုက် နေတာမဟုတ်ဘဲ တစ်သက် လုံးအရိုးစွဲလာခဲ့သည့် အကျင့် ဆိုတာ ကျွန်မ နားလည် ပါသည်။
သို့သော် ထိုဗီဇစရိုက် ကို ကျွန်မ၏ ရိုးသားပွင့်လင်း မှုက မကြာခဏ ခလုတ် တိုက်မိနေတာက ခက်သည်။ မရည်ရွယ်ဘဲနှင့်လည်း သွား သွားငြိမိသည်။ ရှောင်နေရင်း နှင့်လည်း တည့်တည့်သွား တိုးမိပြန်သည်။ မောင်ကပဲ ဆတ်ဆတ်ထိမခံသည်လား။ ကျွန်မကိုယ်၌ကပဲ အမှတ် သညာ နည်းလွန်းသည်လား မသိချေ။ ကျွန်မတို့နှစ် ယောက် အမြဲစိတ်ရှုပ်နေကြရ တာတော့ အမှန်ပင်။ တစ် ပတ်မှာ ငါးရက်လောက်က ကျွန်မတို့နှစ်ယောက် မပြေ လည်ကြ။ ဖြစ်တိုင်းလည်း မောင်က စိတ်ဆိုး စိတ် ကောက်နေသည် မဟုတ်။ ကျွန်မကသာ စိတ်မျက်ကာ မခေါ်မပြောမိခြင်း ဖြစ် သည်။ ထိုအခါ အများအမြင် ၌ ကျွန်မ လွန်ကြောင်း ပြော ကြမည်ဆိုတာ ဗေဒင်မေးရန် မလိုပါ။
ကျွန်မကို ပြောစရာရှိ လျှင်သာ မောင်က ရှေ့နောက် မကြည့်ဘဲ ပိဿလေး ဘေး ပစ် ပြောထည့်လိုက်ပေမယ့် ကျွန်မဘက်က နည်းနည်းမျှ ဝေဖန်မိလျှင်တော့ ဆတ် ဆတ်ထိမခံ နာတတ်သူ ဖြစ် သည်။ “မောင် ဒီနေရာမှာ မှားနေတယ်”ဟု ယောင်၍ များ သွားမထောက်ပြလိုက် မိစေနှင့်။ ကျေးဇူးတင်စွာ လက်ခံပြုပြင်ဖို့ ဝေးစွ။ “သစ် သစ်နဲ့ ရည်းစားမဖြစ်ခင်က တည်းက ကျွန်တော် ဒီလိုပဲ နေလာတာ”ဟု ရှုတင်းတင်း ပြန်တုံ့ပြန်တတ်သေးသည်။ မောင်နှင့် ထပ်တူထပ်မျှ မဟုတ်လျှင်တောင် ကျွန်မ၌ လည်း ထိုမာနမျိုး အနည်း ငယ်တော့ ရှိနေနိုင်ကြောင်း မောင် တစ်စက်ကလေးမျှ မစဉ်းစားပေးပါ။
အံ့သြစရာ ကောင်းတာ က နှစ်ယောက်သား ပြဿ နာဖြစ်ပြီး၍ အခြားတစ် ယောက်နှင့်ဆုံလျှင် မောင်က ဘာမှ ဖြစ်မထားသလို ဟန် မပျက် ပြုံးရယ် ပြောဆိုနိုင် ပေမယ့် ကျွန်မမှာတော့ ပြုံး ရယ်နိုင်ဖို့ အသာထား။ မကြည်လင်သည့် မျက်နှာ ထားကိုပင် လူမရိပ်မိအောင် ဟန်မဆောင်နိုင်ပါ။ ကြာ တော့ ကျွန်မ အချစ်ဆုံး သူ ငယ်ချင်းတွေကပင် “ကိုအုပ် စိုး သဘောကောင်းတိုင်း ခဏခဏ စိတ်ကောက်ပြီး ရန်လုပ်မနေပါနဲ့ သစ်သစ် ရယ်”ဟု ပြောလာကြသည် အထိပင်။ ကျွန်မမှာ ကိုယ့် ၀မ်းနာ ကိုယ်သာသိသူပီပီ မချိပြုံး ပြုံးနေခဲ့ရသည်။
“နည်းနည်းပါးပါး လျှော့ပါဦးဟယ်”
နည်းနည်းပါးပါး မဟုတ်။ မောင်နှင့်ပတ်သက် ၍ အများကြီး လျှော့ခဲ့ရတာ ကျွန်မကလွဲ၍ ဘယ်သူမှ မသိပါ။ “ငါလွန်တာပဲ ဖြစ် မှာပါ”ဟု တွေး၍လျှော့လိုက်၊ “လူဆိုတာ တစ်ခါတလေ တော့လည်း ကိုယ့်ဘက်က အမှန်ထင်တတ်ကြတာပဲ”ဟု ခွင့်လွှတ်စိတ်နှင့် လျှော့လိုက်၊ “ပြဿနာ မဖြစ်ချင်ဘူး” ဟု လျှော့လိုက်နှင့် ကြာတာ့ ကျွန်မရင်ထဲ အစိုင်အခဲတွေ ဖြစ်တည်စပြုနေပြီဖြစ်သည်။ အများကတော့ ခပ်စွာစွာ ထက်ထက် မိန်းမတစ် ယောက်ပီပီ ကျွန်မက သဘောမနောကောင်း အေး ဆေးလွန်းသည့် မောင့်အပေါ် ဆိုးနွဲ့အနိုင်ယူနေသည်ဟု သေချာပေါက် မြင်ကြလိမ့် မည်။ ဘယ်သူ ဘာပြောပြော အပြုံးမပျက် သည်းခံခွင့် လွှတ်တတ်သော ယောက်ျား တစ်ယောက်ကို ကွယ်ရာ၌ ဆတ်ဆတ်ထိမခံ ခနိုးခနဲ့ ပြောဆိုတတ်လိမ့်မည်ဟု လူ တွေ ထင်ကြမှာမဟုတ်။ စကားထဲ အမှားပါလျှင် လို ရာအဓိပ္ပာယ် ဆွဲကောက်ပစ် လိုက်ကာ အခွင့်ကြုံတိုင်း ဆွဲ ထုတ်၍ ပြဿနာလုပ်တတ် ကြောင်း လူတွေ သိကြမည် မဟုတ်။ ကျွန်မတို့နှစ် ယောက်ကြား၌ “ကျွန်မ ဒီလို မြင်လို့ ဒီကိစ္စကို လုပ်လိုက် တယ်”ဟု အကျိုးသင့် အကြောင်းသင့် ဆွေးနွေးတင် ပြခွင့်မရှိ။ “ကျွန်တော်ပြော တာ သဘောပေါက်တယ် နော်”ဟူသည့် မောင့်အမိန့် အာဏာအောက်မှာ ကျွန်မက ပိပြားနေသည့် အရုပ်ကလေး နှင့် တူပါသည်။ ဒါတောင် မောင်က “သစ်သစ်က နည်း နည်း ကလေးဆန်ချင်သေး တယ်။ ကျွန်တော် အများကြီး ပြုပြင်ယူရဦးမှာပဲ”ဟု အထက်စီးစကား ပြောတတ် သေးသည်။
ဘုရားစူး... ကျွန်မ ဘ၀ကို ပြုပြင်ပြောင်းလဲပေး ဖို့အတွက် ကတိစကားခံ၍ ကျွန်မချစ်ခြင်းတွေကို မောင့် ထံ ပုံအပ်လိုက်ခြင်း မဟုတ် မှန်း ကျိန်တွယ်ပြောရဲသည်။
ပြီးလျှင် မောင်ကပဲ တစ်ပြောင်းတစ်ပြန် မေး တတ်သည်က “သစ်သစ် ကျွန်တော့်ကို ချစ်တော့ ချစ် ပါတယ်နော်”တဲ့။ ရော်... ဒုက္ခ။ ထို အချစ်ဆိုတဲ့အရာ ကြီးသာ မရှိတော့လျှင် ကျွန်မ တို့နှစ်ယောက် ချစ်သူဖြစ်ပြီး သုံးလတောင် မခံဘဲ အဝေး ကြီး ဝေးခဲ့တာ ကြာပေါ့။ သို့သော် ကျွန်မကလည်း စိတ်အချဉ်ပေါက်နေသူမို့ ခပ်ရွဲ့ရွဲ့ ပြန်ပြောဖြစ်သည်။
“ချစ်တော့ ချစ်ပါ တယ်။ ဒါပေမယ့် ကျွန်မတို့ နှစ်ယောက်ကြားမှာ နားလည် မှု ရှားပါနေတာကခက်တယ်”
“အဲဒါ သစ်သစ် အတ္တ ကြီးတာပေါ့။ ကျွန်တော်က အကျိုးသင့် အကြောင်းသင့် ဆွေးနွေးမယ် မကြံသေးဘူး။ သစ်သစ်က ဆတ်ဆတ်ထိ မခံ စိတ်ကောက်နှင့်ပြီးပြီ။ ကျွန်တော်လည်း လျှော့ရ ပေါင်း များနေပြီ”
“ဟမ်... ဘာဖြစ်တာ”
ကျွန်မ ပြောရမည့် စကားကို မောင်က အလျင် ဦးအောင် ပြောနှင့်သည်။ ကျွန်မပြောမှာ ကြိုသိနေ၍ လားဟု သံသယ ၀င်လိုက် မိပေမယ့် မောင့်ပုံစံကြည့်ရ တာ သူ့ခံစားချက်ကို ရိုးရိုး သားသား ထုတ်ဖော်ပြောနေ တာ သေချာပါသည်။ မောင့် ဘက်ကလည်း ကျွန်မကို ထိုသို့မြင်သတဲ့လား။
“ဒါပေမယ့် ဖြစ်ပြီးသမျှ တွေကို ဘယ်အချိန် ပြန်တွေး တွေး ကျွန်မဘက်က လုံးဝ မမှားဘူးနော်။ လုံးဝသေချာ တယ်”
မောင်က ကျွန်မကို အေးစက်စက်ကြည့်ရင်း “အဲဒါကြောင့် သစ်သစ်ကို အတ္တကြီးတယ်လို့ ကျွန်တော် ပြောတာပေါ့”ဟု သူ့စကား သူ ထပ်မံအတည်ပြုလိုက် သေးသည်။ သြော်... ကျွန်မ ဘက်မှ ခံစားချက်ကို မောင် က အတ္တတဲ့လား။ တစ်ဆက် တည်းမှာပဲ ကျွန်မနှင့်မောင့် ကြား၌ ညှိယူမရနိုင်သော ကွာဟချက်တွေ များလှ ကြောင်း လုံးဝဥဿုံ ရိပ်စား နားလည်လိုက်မိပါသည်။
နိဂုံး
ကျွန်မတို့နှစ်ယောက် လမ်းခွဲကြသည့် သတင်းကို ကြားသည့် သူငယ်ချင်း အပေါင်းအသင်းတိုင်းက တအံ့တသြနှင့် “ဘာဖြစ်လို့ လဲ၊ ကိုအုပ်စိုး ဒီလောက် အေးတာ”ဟု ပြောကြသည်။ ကျွန်မကလည်း “ဒီလိုပါပဲ” ဟု ပြန်ဖြေမိမြဲ။ မောင်လည်း ထိုသို့ဖြေကြောင်း ပြန်ကြား သိရတော့ ကျွန်မ နွမ်းလျစွာ ပြုံးမိသည်။ “ဒီလိုပါပဲ” နောက်မှ အဓိပ္ပာယ်များစွာကို တော့ ကျွန်မတို့နှစ်ယောက် ရင်ထဲ ကိုယ်စီမျိုချသိမ်း ဆည်းထားရမှန်း တပ်အပ်ရိပ် မိနေ၍ ဖြစ်သည်။ မောင်က လည်း သူ့အယူအဆနှင့် သူ မှန်သည်ဟု ထင်လိမ့်မည်။ ကျွန်မကလည်း ကိုယ့်အယူ အဆနှင့် ကိုယ်မမှားဘူးဟု ယုံကြည်သည်။ အခြားလူ တွေ နားလည်အောင် ရှင်းပြ ဖို့ အဆင်မပြေသော တစ်စုံ တစ်ရာသည် ကျွန်မတို့နှစ် ယောက် လမ်းခွဲဖို့ရာ လုံ လောက်သော အကြောင်းပြ ချက်ပဲ ဖြစ်သည်။
တစ်ခါတစ်ရံ၌ လောကကြီးမှာ ဘေးလူသိ ရန် မလိုအပ်ဘဲ ကာယကံရှင် များသာ နားလည်လက်ခံ ဆုံးဖြတ်နိုင်သည့် ကိစ္စရပ် တွေရှိကြောင်း ကျွန်မ ကိုယ် တွေ့ကြုံလိုက်ရပါသည်။ ကျွန်မထံ၌ မောင်နှင့်ပတ် သက်၍ နောက်ဆုံး ကြွင်း ကျန်ရစ်ခဲ့သည်က သတိရ လွမ်းဆွတ်ခြင်းနှင့် ထိုသတိရ လွမ်းဆွတ်ခြင်းကို ဖြေသိမ့် ဖျောင်းဖျပေးနေသော မှတ် ချက်ကလေးတစ်ခုပဲ ဖြစ် သည်။
စိတ်နေသဘောထားအေးခြင်း # စိတ်နေသဘောထားမြုံခြင်း
အဲဒီသဘောတရား နှစ်ခု၏ အဓိပ္ပာယ်ကွာခြား ချက်ကို ကျွန်မ အခြားတစ် ယောက်ယောက် သိအောင် ရှင်းမပြတတ်ပါ။ သေချာ တာ တစ်ခုကတော့ ဒိုင်ယာရီ ထဲမှ ထိုမှတ်ချက်ကလေးကို မင်နီတားထားလိုက်သလိုပင် မောင်နှင့် ပတ်သက်ခဲ့သမျှ ကျွန်မ၏ နှလုံးသားစာမျက် နှာတွေကိုလည်း...။
X X X
ငွေဇင်ယော်ဦး၊မိုးကုတ်၊
0 comments:
Post a Comment